Enigma-Explorer
Regjistrohu qe te shohesh gjithcka.Me respekt Estilen

Parashikimi i vitit me numerologji

Shiko temën e mëparshme Shiko temën pasuese Shko poshtë

default Parashikimi i vitit me numerologji

Mesazh nga Nikolaos prej Wed Jan 04, 2012 1:50 pm

Parashikimi i vitit tuaj personal me numerologji

Ritmi i Vitit Personal bazohet te vibrimet e numave nga 1 deri te 9, duke krijuar kështu një cikël prej 9 vjetësh që qarkullon gjithnjë. Për të llogaritur vitin tuaj personal merrni datën dhe muajin e lindjes duke shtuar dhe vitin në të cilin jemi (jo vitin e lindjes). Për shembull nëse një person ka lindur me 13 prill (muaji 4) dhe tani jemi ne 2012, atëherë kryejmë veprimet: 13+4+ 2012 → 1+3+4+2+0+1+2 → 13 → 1+3 = 4 (pra viti personal i ketij personi me këtë datelindje në vitin 1012 do te jete 4). Numri duhet të reduktohet gjithnjë në njëshifror pavarësisht nga shuma që del. Dhe lexoni se çfarë parashikon viti juaj personal. Zakonisht viti juaj personal është viti nga ditëlindja në datëlindje dhe nuk nis me 1 janar, por me datën e lindjes suaj.


Viti Personal 1…..një fillim i ri në jetën tënde.

Ky vit është fillimi i një cikli 9-vjeçar për ty. Ai mban premtimin për një kohë, fillim të ri. Ka guxim, hapje, iniciativë, ide të reja. Energjia të mbështet drejtimet dhe idetë e reja. Forca fizike rritet pasi u përshtatet këtyre kërkesave. Të duket sikur nuk i bën dot ballë nevojës për ndryshim dhe vë të gjitha forcat në këtë drejtim. Nuk do ta kesh shumë të vështirë pasi të gjitha problemet dhe kundërshtitë së shkuarës janë fashitur duke ta lënë rrugën e hapur.

Viti Personal 2…..zhvillim, bashkëpunim dhe pritje.

Ky vit mund të quhet me fjalët “Prit dhe Shiko”. Veten e shikon në një stad zhvillimi, por ende nuk ka ardhur koha të shtyhesh përpara. Është koha për bashkëpunim dhe ndërtim marrëdhëniesh nga të cilat do të përfitosh në të ardhmen, është një vit akumulimi dhe grumbullimi. Agresiviteti mund të shfaqë probleme tani. Duhet të jesh i përgaditur për të qënë i duruar. Ky vit është një testim për vetkontrollin tend. Puna me të tjerët të duket e vështirë nëse je mësuar të punosh vetëm në të shkuarën, por qetësohu dhe çlirohu. Kështu këshillohet edhe pse ky vit mund të ofrojë tensione nervore ekstreme. Ndërkaq, një marrëdhënie e ngushtë me një person të seksit tjetër , përfshi këtu edhe martesën, mund të jetë shumë e favorshme gjatë Vitit Personal 2. Nëse je i martuar afrimiteti me partnerin do të shtohet.

Viti Personal 3…. Zgjerim social dhe sukses në krijimtari.

Ky është një vit social, i gëzueshëm dhe zakonisht ka prirje drejt së këndshmes dhe së ndritshmes. Ti mendon ta zgjerosh rrethin e miqve të vjetër me të rinj. Romanca dhe dashuria mund të lulëzojnë. Je i prirur ta jetosh jetën të plotë dhe nëse mendon se do t’i paguash më vonë pasojat. Je i prirur të harxhosh energji dhe të ndërmarrësh shumë gjëra në të njëjtën kohë. Mund të shkëputesh nga puna për t’u marrë ca kohë me veten, por kujdes se mos harron qëllimet e tua. Ky është një vit i mirë për të shpërthyer talentet krijuese. Në fushën e biznesit ky mund të jetë një vit shkatërrimtar. Kjo gjendje mund të sjellë edhe vendime të pamatura dhe jopraktike. Viti duket se nuk është me fat për financat tuaja, por viti që vjen do të të kompensojë për këtë.

Viti Personal 4….Punë e rëndë dhe e ngadaltë por përparim i vazhdueshëm.
Duhet të punosh shumë që të kesh në dorë atë që ke vendosur për vete. Këtë vit rivendoset kontrolli mbi veten. Në shumë raste duket sikur nuk përparon pasi shpesh je i detyruar të bësh një hap përpara e dy prapa. Por përfitimi është se kjo është një periudhë organizimi dhe ti ke mundësi ta shikosh të shkuarën dhe të ardhmen tënde me shumë qartësi. Kjo të bën që ta sjellësh veten tënde në Tokë, aty ku do. Përgjegjësitë rriten dhe përpjekjet gjithashtu me qëllim që të mbash nivelin e duhur të ekzistencës. Kujdes me ushqimin dhe shëndetin këtë vit sepse forcat fizike janë të ulëta.

Viti Personal 5…..Ndjenja lirie dhe çlirimi.

Është viti i ndryshimeve të mëdha në jetën tënde. Horizontet janë shtrirë dhe kërkojnë që edhe ti të rritesh. Rrethi yt miqësor zgjerohet, veprimtaritë e tua shoqërore gjithashtu. Ky vit sjell më shumë liri se vitet e kaluara, ti lëviz nga rutina e përditshme dhe nëse në vitin e shkuar kishe rënë poshtë, tani të presin plot drejtime të reja. Problem i vetëm i këtij viti është se ti i shpërndan energjitë në shumë drejtime njëkohësisht. Aftësia për të bërë punë të drejtuara tani është e kufizuar, por gjithsesi do të vijnë ndryshime në jetën tënde, në familje, karrierë, shoqëri.

Viti Personal 6…. Dashuri, familje, shtëpi dhe përgjegjësi.

Viti Pesonal 6 tenton të sjellë më shumë përgjegjësi dhe përkushtim ndaj familjes, të dashurve dhe miqve. Mund të kërkosh të bësh disa ndryshime në jetën tënde, në dobi të vetes apo familjes. Nuk është ndonjë vit me suksese të mëdha, por planet e tua ecin mirë dhe projektet që ke nisur më parë i afrohen përfundimit. Është një vit i mirë për çeshtjet shtëpiake, por dhe në fushën emocionale. Ti je i/e gëzuar që po shijon paqen dhe harmoninë që sjell ky vit personal.

Viti Personal 7….. Koha për të analizuar dhe kuptuar.

Viti Personal 7 të premton një periudhë pushimi dhe reflektimi mbi vitet e shkuara të jetës tënde. Mund të kuptosh shumë gjëra për veten dhe nuk të vjen keq që po shpenzon ca kohë duke medituar. Të pëlqen të rrish vetëm apo në veprimtari të qeta, mundësisht dhe të mos marrësh mbi vete përgjegjësi. Duhet të përpiqesh të dalësh nga fushat e biznesit këtë vit. Meqë është një vit qetësie dhe pritjeje, ke mundësi të bësh plane për të ardhmen. Një nga përfitimet e tjera është se mund të studiosh e të shkruash sepse mendon qartë, analizon dhe i organizon mirë idetë gjatë kësaj periudhe. Nga pamja e jashtme mund të dukesh si person i ftohtë dhe i paafrueshëm.

Viti Personal 8….. Përmbushje dhe fitime financiare.

Ky është viti yt i fuqisë, një vit ku mund t’i sjellësh vetes shumë përfitime. Pas një kohe qetësie dhe meditimi të vitit të kaluar, tani fillon të ndjesh ambicje të reja. Ky është një vit vendimesh të rëndësishme. Çelësi yt tani është veprimi dhe do ta gjesh veten shumë të zënë me punë gjatë kësaj kohe. Mundësi dhe përparime të mëdha shfaqen para teje, ndërkohë që duhet ta dish se gjërat do të ecin në rrugën që do ti, për aq kohë sa ti do të veprosh. Ki besim tek vetja dhe autoritet. Ky do të jetë viti kulmor përsa i përket forces dhe përmbushjeve për të gjithë këtë cikël 9-vjeçar.

Viti Personal 9…… Reflektim dhe arritje.

Ky është viti i përmbylljes dhe i marrjes në shqyrtim, të shumë gjërave në jetën tënde, për të cilat ti padyshim je krenar, por edhe për ato që ke deshirë t’i ndryshosh. Ti analizon idetë e vjetra dhe të reja dhe nxjerr cilat janë më të rëndësishme. Ke prirje për t’iu përkushtuar të tjerëve më shumë se sa të kujdesësh për veten. Shumë gjëra për të cilat ke punuar do të përmbushen gjatë këtij viti, ndërkohë që ti do të përgatitësh të pastrosh vendin për të qenë gati për fillimin e ciklit të ri 9 vjeçar. Së fundmi mbani mend se forca më e madhe e Vitit personal shfaqet nga marsi në shtator. Në tre muajt e fundit të vitit fillojnë të çelin sythet e cilësive që të jep viti pasardhës.
avatar
Nikolaos
Webmaster
Webmaster

Numri i postimeve : 156
Points : 448
Reputation : 29
Join date : 14/12/2011

Shiko profilin e anëtarit http://www.astro-al.com

Mbrapsht në krye Shko poshtë

Shiko temën e mëparshme Shiko temën pasuese Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi